Michael Lau Gardener 10周年

Michael Lau Gardener 10周年盛典：

11月 16日至 1月 2日 10am-10pm 2樓大堂

Kindergardener聖誕樂園：

11月 16日至 12月 26日 10am-10pm露天廣場
《買走 Gardener　十年光輝》
人生有幾個十年？唔知，但應該唔會太多，光輝時刻就更少，懂得善於把握利用就變得重要，陪伴七、八十後年輕時走過每一段路的本土 Figure Gardener剛過十年，設計師 Michael Lau與時代廣場合作搞 Pop-Up Store兼回顧展，誓要將他親手打造的滑板文化延續，於聖誕佳節與眾同樂。
記者：潘國揚
攝影：王文忠、陳盛臣
十年前滑板文化盛世，街頭板仔你衝我撞，入黑後尖沙嘴文化中心、沙田大會堂等地即成戰場，無他，當年要型全靠一身好武功，在上述「板場」爭名逐利。 時勢造英雄，當年深受滑板文化影響的本地設計師 Michael Lau便以滑板為題材，製作出影響本地，以至日本、美國，甚至全球都一致讚好的 Gardener Figure系列，揚威全球。「當時搪膠未盛行，我算是最早一批利用這種物料生產 Figure公仔，後來亦對全球玩具也有深遠影響。」的而且確， Michael Lau的大名也因此遠播，在業界名成利就，經常獲邀舉行展覽，安排他一手創作的 Gardener公仔周遊列國。十年一個轉捩點，是否仍靠 Gardener食老本？「希望將 Gardener變成 Animation，呢個係我暫時唯一願望，當然資源是最大關口，看看有無人願意投資。」大家等睇呢場好戲上演啦！
Gardener角色變化多端，造型生鬼有趣，每個都有各自 Character，十年來 Gardener亦不斷轉變，以不同物料或形式推出 Figure公仔，成功之處可從大大小小的拍賣場炒價而得知。自 2006年 Nike合作推出的仿木料製作 Figure，今次劉生從 Gardener延伸出來所推出的 KinderGardener（即 Cute版 Gardener），再次與仿木結緣，新 Figure表層塗上仿木顏料，肯定能再造成另一場 Figure炒賣風暴，皆因每個角色只限量 199隻，要買請趁手。除 Figure公仔外，與 Times Square合作的 Pop-Up Store亦會推出限量版 Tee Shirt、 Tote Bag、匙扣等，驚喜則有迎合聖誕主題的水晶球、紅酒及滑板等，絕對值得留意。

別以為今次 Gardener與 Times Square的合作只是草草搞個 Pop-Up Store就算，由 11月 16日至 12月 26日聖誕節期間，露天廣場上將擺放今次主題 KinderGardener的大型 Decoration，配合象徵街頭文化的滑板、噴罐及經典玩具統統一次過在此 Show Off。各位有心人又多一個攝影景點，嫌未夠喉的可行上二樓大堂，亦即 Pop-Up Store位置， 110個 Gardener 12吋 Figure及一系列由 Michael Lau親繪的油畫、手稿亦會同場展出，無論你係 Fans定路人，都好難唔企定定欣賞這位為港爭光的本地設師的傑作。
資料來源：http://hk.apple.nextmedia.com/template/apple_sub/art_main.php?iss_id=20101115&sec_id=12187376&art_id=14661219